陳晨曾經參選2017年香港小姐,可惜面試表現麻麻未能入圍,之後都係專注模特兒工作,今次成功躋身為美女學徒之一,都算係加入娛樂圈第一步!Elsie話自己好想入娛樂圈:「最想拍電視劇同電影。最想同周柏豪合作,佢好靚仔!」

 

Elsie樣靚身材正,原來佢仲係個學霸。佢喺美國明尼蘇達大學讀傳理系,做過兩年學生會會長,仲幫低年班同學改文,肥仔黎我就好有自知之名嘅,真係冇返咁上下嘅知識,都唔敢話要去教人。

觀眾除了好期待有邊位女藝人上去大展「廚藝」外,一眾美女學徒中有大台小花、前港姐及模特兒等等,整體質素相當高,節目主持之一的蕭正楠及張振朗早前 聯同18位美女學徒出席宣傳活動,全部靚女一律短裙仔晒長腿,一於認識吓佢哋!

美女廚房,食咗先講!

「美女廚房,食咗先講!」新一輯《美女廚房》將於6月2日首播,今日蕭正楠及張振朗聯同18位美女學徒出席宣傳活動,全部靚女清一色著上廚師制服,配襯灰色格仔超短裙,美女長腿一字排開,果真目不暇給,超壯觀!

美女廚房美女廚房

美女廚房美女廚房

伍樂怡自信十足

2017年落選港姐伍樂怡(Kelly)雖然去年三甲不入,不過頗受網民歡迎,今次成為美女學徒之一,Kelly表示自己喺加拿大時都經常下廚,三餸一湯無難度,節目中則會以「開心果牛油果焗三文魚」參賽!

王卓淇變眼鏡娘晒腿

大台小花王卓淇,2014年港姐亞軍,出晒名有對白滑長腿,最近佢染咗一頭啡金頭髮成個日本妹咁,再戴上眼鏡變「眼鏡娘」,煮唔煮得就未知,但肯定好睇得!

留言