佢最近外表變得精緻咗好多,成日都有傳聞話佢整容…
佢承認有整過雙眼皮,不過佢就堅稱個鼻真係無整過,所以佢就開直播,仲捏到個鼻紅哂…

蕭亞軒自4月同男友分手後,佢忽然變身社交網狂人。

最近凌晨仲玩埋直播,近一小時直播入面,蕭亞軒不斷撥秀髮,拎起酒杯飲紅酒,又唱又跳。

直播中,蕭亞軒先係澄清被指「難搞」嘅傳言,搵嚟合作咗兩個月嘅助手入鏡,係咁問對方一齊做嘢嘅感想。

蕭亞軒被助手大讚:「很簡單的一個人,認真用心地愛每一個人。」感動到蕭亞軒大嗌想喊。

自公開整咗縫雙眼皮以嚟,外貌變得更精緻,經常惹來整容疑雲,唔知係咪被指控太多次。稍有醉意嘅蕭亞軒仲忽然力證自己冇整容。

蕭亞軒大方喺直播中搣自己鼻頭,仲捏到變「豬鼻」又紅晒,去澄清自己個鼻子冇整過。

佢又捏臉頰,自踩塊面太瘦,想去打填充物「整整佢」,不過佢就唯一承認對眼有加工:「我真的只有縫過雙眼皮!」

 

(on.cc 東網)

留言