【宋慧喬勁減37磅﹗】減肥秘訣有幾招﹗據知,喬妹除咗靠…

出道咗21年嘅35歲韓國女星宋慧喬,早前憑劇集《順風婦產科》、《藍色生死戀》、《All In 真愛賭注》等劇大開知名度,去年憑《太陽的後裔》再登上事業高峰,更撻着《太陽》拍檔宋仲基,兩人早前宣佈將於10月31號拉埋天窗。

 

而出道初期一直都係微胖身形嘅喬妹,早年曾自稱減咗37磅,隨住佢同宋仲基公開嘅婚訊,佢以前提及嘅減肥秘訣亦再度被翻摷。MBC綜藝節目《Section TV演藝通信》曾報道喬妹好鍾意行路,當中一名記者表示:「宋慧喬每次去外國拍攝時,都會因為行好多路,回國時都會顯得瘦咗啲。」據知,喬妹除咗行路亦靠食豆腐減肥,早餐及午餐正常食,晚飯就食豆腐,另外喬妹非常忍口,幾乎唔食零食。

(蘋果日報)

留言