未分類

【Keep得超級好!】陳煒袁文傑十幾年後再度合作!

如果要數圈中有幾多藝人好似唔識老,食咗「防腐劑」咁,就要講43歲仍然keep得相當fit嘅陳煒,以及45歲「霸氣游生」袁文傑!!!

今日陳煒就喺微博貼出同袁文傑嘅開工相,二人早已惺惺相識,留言:「十幾年冇同你開過工啦!袁文傑o依家叫你傑仔好呀、高佬好呀、定係游生好呢?」佢哋對上一套合作嘅係拍2004年亞視劇《我和殭屍有個約會III之永恆國度》,計一計……真係相隔13年再合作,近日為大台劇《果欄中的江湖大嫂》開工。

陳煒廿二歲當選亞姐冠軍入行,同期有萬綺雯、田蕊妮及楊恭如受力捧,為亞視當家花旦,陳煒拍第一套劇《雪花神劍》演陳玄霜,就同楊恭如一齊做女主角,拍嘅第一套劇就同袁文傑合作,袁文傑喺劇中演方兆南,直至2008年陳煒結婚後息影,離開咗亞視,2012年先去咗TVB,而袁文傑喺2012年離開亞視,去到上年先返大台,更因為拍完《不懂撒嬌的女人》做「霸氣游生」成功入屋,深受觀眾歡迎,雖然冇做「大台親生仔」,仍然有唔少出鏡機會。因此,佢哋就足足喺圈中兜兜轉轉咗13年先再聚首!

唔少網民記得佢哋當年演嘅《雪花神劍》,有網民留言「陳玄霜與方兆南終於重遇喇」、「一直喜歡雪花神劍,絕對經典」、「俊男靚女!演技一流」、「亞視最襯的一對」,另有網民讚佢哋keep得好,「煒哥真係好靚女、傑仔man到爆啊」、「你們都是凍齡男神女神」。

(蘋果日報)

留言

發表迴響

你的電子郵件位址並不會被公開。

Close

喜歡我們的文章嗎?按個讚吧!

關 閉 視 窗

(678)