圖片:蘋果日報

三哥苗僑偉59歲生日,一向圈中好友甚多,噚晚喺灣仔駱克道群策大廈一間食肆開生日會,高海寧同鄧智偉呢對緋聞情侶玩前後腳現身。

 

佢哋亦冇一齊走,凌晨12點10分左右,樂易玲坐鄧智偉部benz走人,隔咗10分鐘,謝天華同老婆Tina一齊走,天華喺過馬路嗰陣,細心拖住老婆,相當小心,早前傳Tina有咗,今次佢着上平底鞋同鬆身衫,今次見Tina身型好似再圓潤咗啲,有少少凸肚。

 

此外,凌晨12點半,陳蕊蕊同朋友經過門口,就問在場記者點解咁多人守候,被問三哥生日,佢係唔係上去?陳蕊蕊話:「唔係噃,唔關事嗰噃!」之後似係同一班朋友上去飲嘢。

(蘋果日報)

留言