未分類

【雙喜臨門!】突然宣布婚訊!

日本組合AKB48今日舉行「第9屆AKB人氣總選」,由於沖繩暴雨關係,大會臨時由戶外場地改為室內進行,係多年來首次冇現場觀眾嘅「人氣總選」。

今年活動於當地時間下午開始公佈結果,從前80名開始進行倒數,目前已公佈到第17位,而17位至32位嘅Under Girls當中,備受力捧嘅向井地美音以3.52票排17位,屢傳緋聞嘅峯岸南由速報由100大忽然打入第19位,NMB48成員須藤凜凜花都僅次成第20位,須藤凜凜花於台上竟然宣佈結婚消息,主持再三問到佢係咪講真,凜凜花自言已有對象,決定結婚唔係講笑,令指原莉乃等人即驚訝掩嘴。

據了解,日本雜誌《週刊文春》今日趁「人氣總選」公佈AKB家族緋聞贈慶,《文春》方面再有貼士,放出一個榴槤作預告,而凜凜花曾為NMB單曲《榴槤少年》任主唱,相信凜凜花才決定比《文春》早一步宣佈婚訊。

凜凜花公佈婚訊後,《文春》即爆佢犯下戀愛天條,公開佢已有一名任職醫護人員嘅圈外男友,更拍得凜凜花於本月8日晚上收工後密會男友,並在男方寓所過夜,事務所發言人已代為承認,並透露凜凜花將舉行記者會交代婚事。

 

 

(蘋果日報)

 

留言

發表迴響

你的電子郵件位址並不會被公開。

Close

喜歡我們的文章嗎?按個讚吧!

關 閉 視 窗

(6556)