無綫《東張西望》主播李潤庭(Eric)喺2016年12月被爆婚外情,形象受損工作大減,更被無綫雪藏。

李潤庭直至4月3日先正式復工!

不過,當時嘅佢仲未可以復坐主播台,只可以去跑突發外景,做吓街頭訪問。

而相隔多兩個月,即係偷食後大半年,李潤庭終於重返《東張》做主播!李潤庭喺Instagram上載咗張喺錄影廠嘅自拍,留言:「多謝所有陪我走過這段路的您們。」仲Tag住「感恩」。

佢噚日就孖住宋熙年主持《東張》,不過喺節目中嘅片段,仍然見到佢要出去做街頭訪問,不過相信對佢嚟講已經係一個好好嘅安排!

 

(on.cc 東網)

留言