【直播開火】劉佩玥被指「咪霸」 麥明詩目無表情離場

被指「騎劫直播」、「醋意大發」、「眼啤啤」、「黑面」、「起晒槓」。。。

今日有周刊報導,近月歌手上身嘅劉佩玥,經常孖住翟威廉為big big channel直播自彈自唱,雖然話喺想搞個「Happy Live」合唱團,但大部分時間都係劉佩玥一人唱,俾人感覺似「咪霸」。

有指,翟威廉(William)早前成立「Happy Live」,堅持每星期開Live兩次,但每次直播都畀劉佩玥「騎劫」。早前「Happy Live」邀請到去年落選港姐葉蒨文(Sophie)去唱歌,不過唱唱吓劉佩玥又趕到,之後全程黑住面做直播。報導又指,經過多次觀察,發現劉佩玥非常享受畀一大班男士圍住佢,聽佢唱歌,不過當遇上有其他女藝人一齊做直播,佢就會「起晒槓」!

而喺《群星拱照big big channel》中,「Happy live」壓軸獲得5萬元勤工獎金,翟威廉、 劉佩玥 、周志康、莊思明同林司傑jam住歌出場,劉佩玥就坐喺正中間領晒功兼搶鏡。

而早前麥明詩參加「Happy Live」直播, 劉佩玥就以「女主人」身份主持大局,尾聲時麥明詩入唔到音, 劉佩玥即時眼啤啤,表現不滿。明明麥明詩負責伴奏,但劉佩玥係都要加對手上去彈埋一份,搞到麥明詩都冇哂表情。麥明詩之後仲好快就嗌走,唔肯再encore。連啲粉絲都覺得個直播好有火藥味,留言支持同鬧爆另一方。

(新浪 / 東方新地)

留言