【加油呀媽媽!】大肚Bob嫂:可以做嘅就做晒佢

佗緊第4胎嘅Bob嫂剛剛喺社交網PO出一張同囡囡、醫生嘅合照。。。

佗緊第4胎嘅Bob嫂剛剛喺社交網PO出一張同囡囡、醫生嘅合照,再寫話:

「懷孕到了最後一個階段,我今日到醫院複診時特別帶咗細細妹來同醫生影張相!因為呢一個醫生同我都算係熟人,自從第二個開始,到而家第四個都係俾佢睇嘅。不過要留意喎!佢並唔係睇我嘅BB,而係睇我嘅妊娠糖尿💥
我好感激呢位醫生,因為就係佢陪伴左我成個妊娠糖尿嘅過程。所以最後一次我就帶左細細妹唻同佢影返張相,紀念一下!😉
嚴格來講可能我唔係妊娠糖尿咁簡單,我平時嘅糖尿指數都係高嘅,所以去到第四個BB,已經好識得處理。而我嘅處理方法就係要去到每餐打胰島素控制血糖。
我由第二個懷孕時第23週開始打胰島素針;第三個由第九週開始打胰島素;第四個時第四至五週就已經開始要打啦!💉其實咁樣每日打四針,整個懷孕嘅過程係40週,第五週開始打即係我打咗35×7×4=980針😭,仲未計餐前餐後要篤手指驗血😭😭
💖媽媽真偉大💖
雖然我依家好習慣點樣處理糖尿病,但係其實我都經過一個掙扎嘅過程。講起當時嘅心情真係一匹布咁長,應該可以另開一篇來寫。但係我最終學習到嘅就係既然已成事實,就順其自然!可以做嘅就做晒佢,總之對得住自己;對得住個小朋友就OK啦!👌🏼」

 

有網民就留言話:「媽媽係好偉大架,我真心覺得你好勇敢,加油呀媽媽!」

 

佗B絕對唔容易,我地都同Bob嫂加加油﹗

(instagram)

留言