【拍完愛·回家…唔續約】入紙娶拍拖5年富貴女友

「同圈外女友拍拖5年幾,大家有共識就結婚,冇求婚,結婚都幾倉猝,但唔係奉子成婚,只係覺得咁多年……」

97年起喺擔任《閃電傳真機》主持嘅李天翔,之後做過《K-100》主持,又轉型成功有得拍劇,曾經有過一段「李天翔現象」,由早到晚都見到佢嘅身影,同時俾大台定型,做咗「御用強姦犯」。

 

不過喺早前大台劇《愛·回家之八時入席》中,佢終於有機做暖男「卓威仁」,同郭少芸嘅感情線大受歡迎。另外,早前有周刊就指,李天翔做埋「卓威仁」一角就唔再同大台續約,走人﹗

 

而嚟緊李天翔又會多個身份喇,《蘋果》噚日發現今年41歲嘅李天翔(原名李志偉)同未婚妻譚寶怡已經入紙註冊,好快成為人夫,李天翔接受電話傳媒時話:「同圈外女友拍拖5年幾,大家有共識就結婚,冇求婚,結婚都幾倉猝,但唔係奉子成婚,只係覺得咁多年都應該畀番個名份人。」

 

上年底有雜誌報道指,李天翔女友係位富家女,平時有投資房地產,試過轉賣凱旋門一次就賺過千萬,認真犀利。

(蘋果日報)

留言