藝人孫慧雪(雪雪)臨盤在即,但依然表現活躍,不時更新社交網晒巨肚,今日趁住打風,佢就同另一位大肚婆賴慰玲聚會,兩個準媽咪坐喺梳化度拎住本育嬰指南,雪雪留言話:「風球來襲前的媽媽教室 #一起懷孕好幸福#兩個大肚婆#上次影得唔靚所以補影#又係癲姐操刀拍攝」而「癲姐」係蔡思貝嘅角色名,原來佢都在場㗎;另一張相蔡思貝就坐喺兩個大肚婆中間,好似好逼咁,雪雪再留言話:「我哋太有壓迫感」而雪雪隻狗仔就好好奇咁望住佢哋,畫面好有趣!

而賴慰玲亦有上載同雪雪嘅合照,佢留言話:「之前一直拍劇 得閒就食同瞓 完全無(冇)睇過懷孕資訊 呢幾日好認真咁上網睇又睇書 原來真係『海量』咁多嘢要學 呢啲時候 都係搵孫慧雪 上堂好過啦!」呢兩位準媽咪果然夠勤力!

(東方日報)

留言