藝員洪永城(Tony)現身《群星拱照big big channel》直播節目,無可避免與前女友唐詩詠同場,二人影合照時更面露尷尬神情,事後Tony接受訪問時表示:「應該冇嘅,你哋突然話要合照,我咪反應唔到囉。(你哋企到好開?)係咩?我要檢討吓,我都唔知自己企到咁開。(幾耐冇見詩詠?)喺公司幾個禮拜都會見一次。」

講到詩詠曾建議他下一段戀情應與對方了解清楚,Tony說:「我覺得自己立場係需要,了解咗對方嘅興趣同需要先,每一對情侶都要咁做。(咁你有下一段戀情未?)邊有咁快,依家以工作為主,下星期會去佛山拍《大帥哥》,拍40日,仲要日日40度。完成之後我都想放個假,同綜藝組度緊期幫big big channel拍旅遊節目,睇吓夾唔夾到,不過主題就未諗。(你話過要去勻全世界妓寨?)唔係我咁講喎,我朋友個朋友真係去咗烏克蘭搵女友,其實都可以做個節目介紹人搵女朋友同老婆,咁都幾好睇呀!(你都可以藉節目搵女友?)緣份呢啲嘢大家知嘅。(接受異地戀?)接受到,要睇大家性格相唔相似,先可以維繫到。」

(東方日報)

留言