日模松岡李那近日同江湖猛人「洗米華」周焯華傳緋聞,事後洗米華疑去完英國探Mandy Lieu後,即發聲明同「異性友人」撇清關係,而原來。。。

日模松岡李那近日同江湖猛人「洗米華」周焯華傳緋聞,事後洗米華疑去完英國探Mandy Lieu後,即發聲明同「異性友人」撇清關係,之前松岡李那出騷就講明媽咪教唔好拆散人哋家庭!

 

今日周刊指早前問過松岡,佢話洗米華就好似一個有影響力嘅前輩,洗米華當佢係一個小妹妹,提點佢學啲廣東話,佢哋見面係喺公開場合,冇喺私人聚會見過,又話佢同洗米華嘅舞池片流出後,松岡喺報道中話洗米華有發短訊,二人仍有溝通,洗米華叫佢唔使擔心,大家仲係朋友,洗米華仲安慰松岡呢啲新聞好快就過去,松岡又再次強調自己唔會傷害別人嘅家庭,對於松岡之前講唔會做第三者去拆散人哋家庭,被質疑暗寸Mandy,松岡喺報道中就話自己唔理人啲嘢,因為唔關自己事,如果Mandy有誤會,亦唔係自己原本想講嘅嘢。

 

此外,噚晚洗米嫂Heidi喺Ig貼出同細女玩嘅片,當正細女周善潼(Damiana)係「啞鈴」,健康得嚟又o氹得細女不知幾開心,呢啲就係有囡萬事足!

 

(蘋果日報)

留言