未分類

【啞忍半年終於忍唔住?】傳Mandy鬧爆松岡

 洗米華周焯華噚日去澳門出席第二屆澳門國際影展記招時,心情愉快到不得了,祝酒環節上,好豪氣咁一乾而盡,仲叫同台、拎住杯酒養魚嘅千嬅大啖乾咗佢。

因為之後有約。
約咗新歡松岡李那,坐私人飛機出席朋友婚禮。
難怪見到佢個樣,明明唔笑都似好笑緊咁。
之前洗米華已經同松岡坐私人飛機去夏威夷出席安以軒婚禮,一條攬腰孔雀開屏條片,洩露兩人親密關係。
洗米嫂陳慧玲(Heidi)表面冇動靜。
但,Mandy Lieu呢?

 

Mandy身在倫敦湊B,低調避世多時。之前Mandy同洗米華無論去到世界哪一個角落,都會俾網民野生捕獲,但,據知其實Mandy同洗米華,已有大約半年冇見,包括3月Mandy 32歲生日,同B女5月20號生日,都唔見洗米華飛去英國陪女友。據知,就係因為松岡。

 

之前已報道指洗米華與松岡共舞影片流出後,令Mandy大怒。其實唔止咁。本報收到獨家消息,Mandy同松岡曾隔空開火。由Mandy開火。

 

據知,件事就咁,半年前,洗米華經友人介紹下認識,一撻即著,令在倫敦湊仔嘅Mandy大動肝火。其實都火得有理,之前plan好晒帶埋小朋友返港,又賣屋又買屋又搵學校,乜都plan好晒,到最後,洗米華為箍煲令洗米嫂回心轉意唔好離婚,所以請Mandy繼續留在英國,但求唔好刺激到洗米嫂。Mandy依從。

 

點知,半年前洗米華識咗松岡之後……聽知情人士講,洗米華幾乎一有時間就陪松岡﹐Mandy被雪藏。結果忍無可忍,話唔見男方,其實呢招都係以退為進咁啦,點知佢自己退,洗米華又退,依家仲有埋片,Mandy面子擺去邊?

 

知情者稱,報道一出,Mandy即WhatsApp松岡,咁當然唔係傾偈打招呼……但又咁講,佢兩個根本就係行家(model),一早識0架喇。WhatsApp內容外人不得而知,聽講就係同洗米華有關。

 

Mandy「搵」完松岡之後,跟手再打個電話俾洗米華,要求男方唔好再見松岡。

 

俾人「搵完」嘅松岡,自感委屈,搵洗米華訴苦。

 

聽講係咁樣啦。

 

咁結果係點?就係洗米華包架私人飛機,同松岡出席友人婚禮。

 

(蘋果日報)

 

留言

發表迴響

你的電子郵件位址並不會被公開。 必要欄位標記為 *

Close

喜歡我們的文章嗎?按個讚吧!

關 閉 視 窗

(23401)