未分類

【預產期七月】曬溫馨孕照超幸福:BB腳頭好

E-Kids成員郁禮賢(Kasa)太太將7月預產,為慶祝首個bb將出世,日前他和太太拍了一輯大肚寫真照,相中Kasa半裸晒腹肌跟太太的大肚比併,又見兩人相當煙韌,不時嘴對嘴似足接吻魚,全輯相溫馨滿瀉。

Kasa接受訪問時,他說太太腹中是bb女,問鍾意仔定女?他說:「仔女都冇所謂,最緊要佢健康,產檢都話bb出世時應該有成7、8磅,我唔想bb太肥,生女都好好,因為可以幫佢扮靚扮耐啲,只係到佢10幾歲時,做阿爸就擔心多啲啫。」

Kasa又大讚bb腳頭好,自太太佗住bb後,E-Kids演唱會大賣,之後還會再開演唱會,且稍後會推出新歌。問他演唱會可會在大場舉行?他說:「都會喺旺角,因為我哋要做旺角霸主,況且之前好多fans話上次旺角麥花臣嗰場買唔到飛。」

Kasa又話最開心是可以和偶像郭富城同年榮升爸爸,他又說:「聽講話郭富城太太都有咗bb,郭富城係我中學時嘅偶像,我依家都好鍾意佢,如果同偶像同一年生bb就very good。」問他是否儲夠過400萬養bb?他就覺得養育仔女如供樓:「買樓都有得供啦,可以分期。」

 

 

(on.cc東網)

留言

發表迴響

你的電子郵件位址並不會被公開。 必要欄位標記為 *

Close

喜歡我們的文章嗎?按個讚吧!

關 閉 視 窗

(3514)