俗語有云「生娘不及養娘大」,呢句說話喺洗米仔周柏豪同洗米嫂Heidi(陳慧玲)身上,就可以完全體驗到。周柏豪自幼喪母,細細個就跟着老竇周焯華生活,當年父親事業未算有成,仍需終日為口奔馳,故對周柏豪缺乏照料。

當年洗米華成日都會帶埋洗米仔出街,就連同Heidi拍拖,細細個嘅洗米仔都會在場,到洗米華同洗米嫂一齊咗之後,洗米嫂兼負起照顧柏豪嘅責任,一邊做保險一邊湊仔,洗米仔同呢位繼母生活多年,感情好都係好合理嘅事,洗米仔仲一早視Heidi為親生媽咪,故早前洗米華傳出撻着Mandy Lieu,柏豪即於社交網上為洗米嫂護航,出言力撐繼母。

 

(蘋果日報)

留言