曾經係小室哲哉入室弟子嘅譚凱琪(Zoie),最近佢喺《不懂撒嬌的女人》入面,佢同張達倫嗰段曖昧戀情,再加上佢為工作連蝦米仔嘅撫養權都唔要,睇見佢喺劇中對住囝囝嗰種難捨難離嘅感覺,真係睇落都好心酸!

 

喺現實生活中,o依家Zoie喺事業上好努力咁拼博,不過喺感情上就唔使咁曖昧,事關佢已經有一個拍拖2年幾嘅金融才俊男友莊日宇(Enrico),Zoie仲話大家感情穩定,視對方為結婚對象。

 

今日有周刊報道指Zoie同男友發展到同居階段,男友向Zoie求婚,不過Zoie希望把握機會,喺事業上做一啲成績,所以向男友表示希望2年後先結婚!

 

報道仲話男友好明白Zoie諗法,兼支持同尊重女友,反正大家已一齊生活,所以大家都趁呢兩年搵多啲錢,為將來作準備。其後Zoie接受周刊訪問話o依家生活好開心,暫時希望專心工作,將來有好消息再同大家講,貫徹將感情低調嘅作風!

(蘋果日報)

留言